.... المتاهه 3 .... سكران لوحدك ؟ شارب إيه غير المرار جرحوك في جرحك ؟ ماانت عاشق ل إنتظار لما تيجي الروح لحدك تدي شهد تدوق مرار ولا حد ف مره حَسك حتى لو قلت إنتحار ويسكي تشرب؟ صُب واشرب ! إملا كاسك دم جرحك اطوي جرحك م الدمار واللي مش عاوز يسامحك البعاد أسلم قرار شوت فودكا ! ليها سِكه إوعا تسكر مره مني أو تشوف الليل نهار ليه بتشرب غصب عني ليه بتطفي النار بنار واحده واحده صُب تاني ماانت واخد ع المرار كنت ظالم. كنت جاني لما سئت الإختيار إستبينا....؟ إستبينا.....!! يلا بينا هاتلى بيره إروي شرياني إنتحار شوفنا مقامتهم كبيره طمعو فِ لجام الحمار واللي مافي بيده حيله كان يزيدوا ف جرحه نار وإنت شلت احمال تقيله كنت راضي بالمرار صُب يلا وهات تكيلا يلا زود في العيار خانو أيامنا الجميله وانت سايب حضني دار فين كلام الشوق ياليله ؟ كان سواد العين نهار كان سحاب الدنيا لينا والنجوم واقفه إنتظار والقمر كان بينادينا كان بيهرب م المدار كان بييجي يشوف عنينا قبل مايشوفها النهار شوفت عِندي؟! هات براندي إملا كاسك صُب واشرب والمرايا ع الجدار خد ملامحي منها وإهرب ليه مصمم ع المرار هما زادو ف جرح جرحك وإنت مليت إنتظار يلا راجع لون ملامحك إحنا أصلاً مش فِ بار يلا راجع لون ملامحك إحنا أصلاً مش فِ بار .... عماد البدري .
