الاسم/محمد عاطف عباس
الدوله /مصر-محافظة الغربيه
رقم التليفون والواتس/01211300529
الشعر العامي.
“المشهد الاخير”
………………..
الحكايه الاولي من المشهد الاخير
عقارب الساعه وقفت وتبدي الرساله
رساله محذوفه من روح ماتت
بتستنجد فيها بالاطياف
كل الاروح اصابها العفاف
وروحك يا حبيبتي !!..
حتي وهي طايره
شايله الهم اضعاف.
واناكل ليله بروح علي معبد الارواح
ارمي البخور واقول الكلام اللي علمتهولي
من سحرك ..
يمكن روحك تحضر
يمكن روحك تبدء وتلبسني
يمكن الحب اللي تايه يزرني
وفي سجنه يحبسني..
العود الاول خلص
وانتي برضه لسه مظهرتيش …
ارمي البخور من تاني
وابدء ارتل في التسبيح
“يارب ياعالم بالقلوب
يا اللي في حماك البشر
اشفي قلبي المعطوب”
عيني انزلت مطرها
اكتشفت ان من غير ربي
انسان مغلوب ..
وان روحي تايه زي زيها
حتي في بعدنا بقيت مثلها
اياكي تفتكري ان قلبي مشتاق
دي مجرد بقاياااا ذكريات
خلاص دفنتك وطويت عليكي الزمن
انا مجرد حابب اشوف روحك
اللي حبتها قبل ما احط جسدك في الكفن..
الدخان اختفاا!! ..اعواد البخور خلصت
وانتي لسه مظهرتيش..
ياللي هويت السبح
والجري ورا الحرافيش
أُشهد عليكي الزمن
أن روحك خلاص”مفيش”
الحبر خلص وكتب اخر سطوره
وحبك خلاص انتهااا..
والشاعر بطل يسهر الليل بطوله
بعد الليل الطويل والشعر والويل
نبدء الحكايه التانيه من المشهد الاخير
درويش وتايه في ارض العجايب
يسمع حكاوي كيت وكان..!
مين اللي اتقتل ومين اندبح
ومين اتوجع ولا مين انجرح
درويش وسكته مليانه بالحكايات
من زمن قبل الالفينات
ايام ما كان السلام
مش بس بالكلام
ايام ما كان الوعد بالكلمه
ايام ما كان الحر انسان
ايام ما كان الحب وسط الناس
مش بيداري ..
ومكنش وسطهم جبان
ايام ما كان العيش يأكل الغلبان
كانت ايام واترحم عليها الناس
والحلوه اللي كانت تطل من المشربيه
بغمزه من رمش عينيها توقع ميه
ولا رنت خلهالها علي الارض
سينفونيه مصريه بتسمعها من حوريه
عن جمال الحاره في بلادي
عن الناس الطيبين اللي تجمعهم
كلمه واحده..
ولا عمرهم يتفرقو عشان واحده
درويش يا عالم وتايه في ارض العجايب
يسمع حكايات كيت وكان..!!
يسمع كلام الغلابه
يسمع كلام الشقيان
اللي مش لقين اللقمه يا بيه
والقهوه اللي اتملت بالشباب
والحياه اللي بقت سراب
الدرويش يسمع ويتألم
ولسانه يعجز انه يتكلم
لحد ما يفيض بيه المكيال
فا يقول انا مصري
وفي بلدي انا سيد الرجال
درويش وتايه ف ارض العجايب
يسمع حكاوي كيت وكان..!!
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
