خسارة لما ما بتتعلمش وبتأمن لحد
خسارة لما بتدي الثقة زيادة عن اللزوم
خسارة لما طيبتك بتضيعك
خسارة لما بتعمل حاجات كتير مش راضي عنها علشان تسعد ناس غالية عليك وحاول ترضيهم
خسارة لما أوقات كتير ما بتعرفش قيمة نفسك وتقدرها كويس
الدنيا دي فعلا فاك !!!!!!! !!!!!!
والناس في لحظه بتتبدل
ما حدش بيحس بحد
ما حدش بيراعي شعور الغير
ما حدش بيحس بآلام وأوجاع غيره
ليه ما تحطش نفسك مكان الشخص اللي بتجرحه وانت مش حاسس
ليه ما تبدلش الكراسي والادوار وتشوف هل أنت هتقبل بالوضع ده
لوهتقبل يبقي عادي لو مش هتقبل يبقي ليه تحطه هو في الوضع ده
ما تجرحش حد بدون ما تشعر ممكن الحد ده يكون مجروح قبل كده بكفاية
ما توجعش وتدوس علي الجرح بزيادة وانت فاكر أنك ما بتعملش حاجة وأنك انت الصح
لو انت صح هتواجه ومش هتهرب
لو قدرت تواجه بجد وما تهربش يبقي فعلا انت الصح
لو ما قدرتش تواجه وتكمل النقاش تعرف أنك انت الغلط مش الصح وان موقفك ضعيف
حط نفسك مكان غيرك في اي شئ
راعي شعور غيرك
ما تألمش بدون ما تشعر
ما تجرحش وانت حاسس أنك بتطبطب مش بتجرح
ما تبقاش أنت الغلط وفاكر نفسك صح
واجه نفسك بالحقيقه قبل ما غيرك يواجهك بيها
شكرا للظروف اللي بتعلم
شكرا للظروف اللي بتبيين وتظهر معادن الناس علي حقيقتهم
أوقات كتير بتكووووون بتعمل حاجات حلوة كتير وتضيعها في لحظه
أوقات كتير بنفتكر ان في ناس هما كل شئ وبيحبوك وبيخافوا عليك والعكس صحيح
يا خسارة لما في لحظة تحس أنك بتضيع ولوحدك في الدنيا دي
وما فيش سند أو ونيس أو جليس ليك
يحسسك أنك كل شئ في حياته
وتحس معاه أنك ‘
ملكت الدنيا باللي فيها
وتحس وانت معاه بالاستغناء عن العالم كله
وهو كمان يحس بكده
في فرق بين الحب والاحتياج للحب
في فرق بين أنك تحب شخص بجد
أو أنك تكون محتاجله بس جنبك وفاكر أنك بتحبه مع أنك محتاجله فقط مش بتحبه
تحياتي لكل قلب صادق شجاع بيحب بجد مش في احتياج للحب والفرق كبير
