الموضه دلوقتي .. حزام عند الرُّكَب
والبنطلون ساقط لفين .. يادي العجب
العضمه من فوقه عليه استغربت
صرخت وقالتله بلاش قلة ادب
عيب اختشي عيب استحي دي منطقه
في عُرْفنا حساسه لازم تنحِجِب
جَرّب كده .. اقعد كده .. وطّي كده
تِلقي المسائل تِنقري مش تنكِتب
*****
بنتي قالتلي شُفْت يابابا ولد
يجري ..عشان يلحق مواصله في البلد
لما جِري .. البنطلون فجأه انسَلَت
قلتلها يا بنتي أكيد هذا الولد
لو كان دِري انه هيجري كان لزق
البنطلون بِغِرا يِثبِّت للأبد
او دَبِّسه وارتاح وجَرّى خطوته
وقال .. مدد .. مدد يادباسه مدد
*****
البنطلون هوّ الّي يحفظ قعدتك
ويصون كرامتك مهما طالت سكّتك
مش بنطلون حِجره يدوبك يلمسك
ويغطي حته صغيّره من قعدتك
ويبَيّن اللحم الّي فايت عِرْوتك
ويخلّي بنت الليل تغير من طلْعِتك
وابن الخلاعه يختفي من سكِّتك
علشان يشوف حاله بعيد عن حضرتك .
عزالدين خلاف .
