محمود عصام حمزه ابراهيم
25 سنه
القاهره – مصر
Gmail :- [email protected]
Facebook Account :-https://www.facebook.com/mahmoud.esam.35
شعر بالعاميه المصريه
اسم القصيده :- الناس بتلاقي الناس جدا
________________________________________
الناس بتلاقي الناس جدا
فتلاقي المُخلص مع خاين
وتلاقي الطيَّب مش باين
ما هو عاشق واحد مش طيَّب
واكتشف انها صفة تِتْعَيَّب
فـَـ الناس بتلاقي الناس جدا
فتلاقي البنت الـ نَسَّايه .. مع واحد فاكر ايامها
وتلاقى البنت الـــ رَغَّايه .. مع واحد ساكت قدمها
والندل تحبهُ البنت اللى اتمنَت .. تتحَب بجد
والشخص السافل يتقابل مع اطهر حد
والبنت اللى تِضَحِّي بــ حُبك .. علشان مَـمْعَكشْ
والبنت اللى تِضَحِّي عشانَك .. وانت مَـكفَّكشْ
فـَـ الناس بتلاقي الناس جدا
وانا عادي موافقِك على فكره
وشطبتِك من مواعيد بُكره
وانا اسف فكرتِك شبهي
وخلاص مش لازم تِنْتِبْهِي
ما الناس بتلاقي الناس جدا
والفجر بيدَّن عن اذنِك
لا هسبب تعبِك ولا حزنِك
و انا همسح ارقامِك عندي
وهقللَّ تأثيرِك فيَّا
ومفيش ايام مش بِتْعَدِّي
ولا حزن هَيتْمَسِّك بيَّا
واكيد للفرحه ميعاد تدَّن
