الاسم : محمود احمد محمد عيسى
الدولة : مصر
اسم الشهرة : محمود عيسى النصار
رقم الواتس والفون : 01126250689
فرع الشِعر العامي
اسم القصيدة : ” الوردة المستحيلة ”
“ولو كُنتي ما بتحبيش”
تبصي ليه على عنيا ..؟
وطيف روحِك كأنه ريش
ونظراتك رومانسية
بتعمل من دموعي جيش
بيتحارب بحنّية
بياض وسواد عنيكي حياه
نهار فـ الليل يشمّسني
وطلّة رقّتك مأساه
بتنقذني وتحبسني
وتجبرني أقول الله
بدون ما ايديكي تلمسني
وضحكة روحِك المفضوحة على خدّك
تقوللي ليه بصوت مكتوم
بإن مفيش قلوب هتدوم
وتفضل فيكي غير قلبي اللي راح ياخدك
فيبقى حُزنه من حظي
وحُسنه يبقى من بختك
اذا كان بحر دمعك عُمقُه بيساوي جِراح قلبي
فانا ناوي اكون يختك
وهاخدِك ويّا مُوج حُبي
اللي ضدّ الرِّيح
كألمازة
راح احميكي من التجريح
ولو حسيت بإنِّك حاسّة غدر الموج
راح اعمل قلبي غوّاصة
ياريت طيب عشان خاطر
خواطر من رُصاص فـ الجاف
بدون ماتخاف
بتقتل كُلّ كُراسة
تمدي ايديكي على قلبي تعالجي الجرح فـ النبضة
ياريت المرة دي وخلاص
ماتكسفينيش قُصاد الناس
وبيننا أقل من ياردة
قصاد نبضي
اللي فرّج كل كورة دم
على كورتي اللي دايما تيجي فـ العارضة
ياريت حُكمِك يكون المرة دي عادل
لا انا عايز أكون كسبان ولا خسران
ونفسي فـ مرة نتعادل
بلاش تِرضِي أكون مقتول واكون قاتِل
بلاش
تسيبيني سايب قلبي طول العمر بيحارب
ونفُسه يعيش
ومشكلتي ان انا حابب
ولو كنتي ما بتحبّيش
حاوطتي القلب بالأسوار
وسيبتي مشاعري جياشة
ياريتك ترحمي الأشعار
واشوفك طالعة مـ الشاشة !
____
محمود عيسى النصار
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
