الولاد اللي في شارعنا بينادوني والبنات الحلوة دايماً بيقولوا لي: إنتي فين….!؟ من زمان تايهة الخطاوي في الطريق والأمل رغم السكون اللي في عنيكي لسة ساحر للأماني المستجيرة بالرفيق إنتي فين…!؟ لسة خايفة؟ماتخافيش إسمعي صوت الحارات جاي بينادي في سكات لسة همسه جوة قلبك لسة بيقول لك حاجات لملمي جرح السنين واهجري فيه الأنين وإن نداكي ما تشوفيه كنه عايش ولامات والبسي ثوبك يا غالية أصله متفصل عليكي مهما رحتي ولا جيتي ولا عشتي كتير آهات لسة خايفة؟ ما تخافيش شبكي إديكي في إدينا يالا نجري….يا لا نحلم تيجي نرقص… أو نغني ونستخبا من الألم……؟ ساكتة ليه؟ ساكتة ليه وإنتي القيثارة في الشوارع والحارات كل حاجة فيكِ حلوة وإنتي أحلا الذكريات إنتي أحلا الذكريات
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
