ام الشهيد..مسابقة شعر العامية بقلم /محمد علي محمود نويشي من مر

هذه القصيدة من شعر العامية للشاعر // محمد علي محمود نويشي ــ و هي بعنوان

( خاص بمسابقة مجلة همسة الادبية ــ من شعر العامية ــ رقم الموبايل ــ 01127608305 ــ من مصر )

====== ( ام الشهيد ) =======

يا ام الحزانا السكلنين .. زاد الانين…….

و الحلو في اديك مر … من سنين……..

علي شاب كان كل امله في الحياة……

ينهي خدمته …. في وحدته …………..

و يشوف عروسة من البلد ..تهندسه ….

و تدندشه … و تجبله من صلبه و لد…..

يحمي العرين .. من الديابه المجرمين ….

ما لهم مثيل.. في اي ملة.. و اي دين ….

خانوا العهود … ما لهم امانه و لا امين ….

قتله رصاص الغدر … في يوم حزين……..

امه بكت و احنا بكينا ع البكا متألمين ……

ده ذنبه ايه .. ذنبه انه حامي البلد……….

من معتهين .. او مجرمين ..او طامعين …..

وجه رصاصك ياجبان للاعادي الشامتين….

و حرر القدس السليبه … من سنين من…..

دنسهم و لا احنا بس علي بعضنا متشطرين

تقتل اخوك في الوطن اه ياوطن دمعك حزين

دمعك مجفش من سنين .. اليوم عليك بكره

…..عليا متحملين ….. اهه راح شهيد…….

و معاه شهيد …و كام شهيد ..و هي ايد …

اللي اذت و ما اتنست …ادعي معايا ياوطن ..

. اللي قتل ابني الشهيد … تنشل له الف ايد

و اكون سعيد … لما الوطن …. يعلا لفوق…..

و احنا فداه … لكن.. مش بايد ابن الوطن …..

هي الصعوبه ان ابني اللي قتل و اللي انقتل

……………….وراح شهيد……………………….

مع تحياتي // محمد علي محمود نويشي ــ شبرا النخلة ــ بلبيس ــ شرقية ــ جمهورية مصر العربية