..انا ابن مصر ابن البلد ابن الغلابة الطيبين..
ابن اللي زارع واللي صانع
.ابن الكنايس والجوامع
.ابن الغني وابن الفقير
ابن القلوب الطيبة والادين العرقانين
انا بسمه حلوه بتترسم علي وشوش الشقيانين
انا دمعة نازله بتشتكي كل العيون المظلومين.
. انا طير صغير لسه بتعلم اطير .
. انا زرع اخضر في ارض عطشانه حنيين ..
.. انا شجره عاليه وضلها فرشه لكل التعبانيين .
.انا غنوة مش راح تتنسي عايشة علي مر السنيين
انا مركبة امن وسلام انا طوق نجاه للغرقانين ..
انا بابي مفتوح للي تايه ونهر نيل للعطشانين ..
انا ابن مصر ابن البلد لكن انت مين ..
انا بدله ميري مموهه علي الحدود ساعة الاذان .
فطرت رصاص والميه في اديه الشمال والتمر في اديه اليمين ..
انا لبس زيتي في قطر حربي واسمي حربي
تصريحي كان من غير رجوع وكفني كان في البدرشين .. ا
نا اللي صورتي علي الحيطان ..
وفي الشوارع والمدارس وكل حي او ميدان ..
انا اللي صورتي علي الحيطان
. وفي والشوارع والمدارس انا الجرس انا الاذان ..
انا دمي هز المزلقان صحي الشوارع والميدان .
من الصعيد لبورسعيد انا زرع مصري مش شيطان ..
انا صحرا عاش فيها الامان ..
طرحت ربيع طرحت ريحان ..
بأبني واعمر من زمان
وعرقي نيل يروي الغيطان ..
انا سد عالي مالوش بيبان
. وايد قويه علي اللي خان .
من غير غرور انا كل دول
. انا مصري حر ومش جبان .
انا ابن مصر ابن البلد ابن الغلابه الطيبين
.انا ابن مصر ابن البلد لكن انت مين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
