*********
انتي فين يا سيلين
طمني قلبي الحزين
ردي قلبي جوه مني
ده السبوع كان من يومين
مين هيمسح دمع عيني
اللي سال على نن عيني
وللا مين تاني يناديني
ويصالحني ع السنين
انت عايشة وللا روحتي
عند رب العالمين
وللا لسة تحت كوبري
عضمه بايش من سنين
فين هروح انا من عذابي
بعد منك يا سيلين
وللا هلقى فين شبابي
بعد ما ضاع الجنين
بعدي عنك غصب عني
مش بإيدي يا سيلين
لو بإيدي كنت شيلتك
جوه قلبي والعينين
انتي فين ..انتي فين
انتي فين يا سيلين
******************
رضا أبو الغيط
