اوعدك ياحب غايب…للشاعر / عماد الحصرى

اوعدك ياحب غايب
هتفضلى اغلى الحبايب
عمرى مانسى هواكى عمرى
لو ضهرى محنى وشعرى شايب
اوعدك يا فرح فات
هتفضلى عنقود بنات
كل حبه ليها ريحه
فيها طعم الذكريات
هتفضلى ضلى وغصونى
هتفضلى فرحى وشجونى
صورتك انتى فيا ساكنه
بين رموشى وبين جفونى
اوعى تنسى فى يوم عيونى
كنت كونك كنتى كونى
كنت حظك كنتى كومى
كنتى ناسى وكل قومى
كنتى سندى وقت قومى
كنت بحرك لو تعومى
حتى فى الكوتشينه كنتى
احلى بنت واحلى كومى
كل يوم ب شم عطرك
سهران ف ليلى استنى فجرك
لسه بتقولى انى ناسى!
واللهِ مانسيتك وفاكره
فِكرك انسى عنيكى فِكرك!
دا لسانى ما بطلش ذِكرك
انتى بالنسبالى منهج
قلبى طالب فيه مذاكرك
…عماد الحصرى…