ط
الشعر والأدب

بادعى ف سجودى .قصيدة للشاعر / حمد ثروت .مصر

بادعى ف سجودى
كل ليله وكل يوم
تقبل صيامى
وتشفى قلبى م الهموم
وأزور حبيبنا النبى
وأبكى وأقول الله
طمعان ياربى ف رحمتك
أرحمنى يا الله

ضليت طريقى وسكتى
رجعنى ليك تانى
ده العمر عدى وفات
وكل شئ فانى
ضعيف وجتلك ياربى
أصلح لى أحوالى
أنا اللى كنت زمان
ماشى ولا دارى
ضحك على الشيطان
دمرنى وغوانى
خلانى أسيب الحق
وأزيد فى طغيانى
ونسيت طريق الخير
وغرورى نسانى

بأدعيك يارب الكون
واقف على بابك
عشمان فى رب كريم
أهدينى أسبابك
ياسر لى كل الامور
وأرزقنى غفرانك
أنت العظيم ياربى
والرحمة عنوانك

كلمات الشاعر محمد ثروت عبد الحفيظ

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى