خاص بالمسابقة
شعر عامية
الاسم / حسن حمدي حسين بيومي
البلد جمهورية مصر العربية
موبايل ٠١٢٧٣٠٥٠٠٦٠
٠١٢٧٣٠٥٠٠٦٠
صفحة الفيس حسن حمدي البيومية
….. ….
قصيدتي المشاركة
بتشبهني
________
بتشبهني
……..
بتشبهني كتير يابني
ف لون حزني ولون دمي
ف ضحكة باهته من همي
وشايل حلم متغمي
ياطول صبري ووجع قلبي
ياصاحب روحه تهجرني
ونفسي بكفه يحضني
يصبرني……….. يفكرني
بلون المريلة البني
وبراية بتكسر حلم ف قلبي
وكراسة واستيكه ومزيكا
وحدوتة انام ولسه بيسألني
حلوة ولا ملتوته
ابويا يقرا ف المصحف يفهمني
ويوم الجمعه اصلي معاه
انام علي حجره واقرا وراه
ياسين والسجدة احفظها
يقول الله
بتشبهني كتير يابني
وانا روحي بتتكتف ومتلهف
اطير زيك ولا يكسر جناحي خريف
ويكفيني طبق جبنة ونص رغيف
ولعب الكورة والسهرة مع القمرة
وابل هدومي في المطره
وارسم ع البيبان شجره
ولا قلبي يصيبه السهم
ويتعذب يموت م الهم
ويكبر قبل باقي العمر
بتشبهني وايامي بتسرقني
نسيتك لما العمر ضاع مني
وشوفت في صورتك انت الحلم
بتشبهني
……..
حسن حمدي
