~~~~~~
بتعيش معايا
في سنين حياتي
بسهر ليلاتي و معاك هوايا
متفكريش كان ليه النهارده
ف مهما يجرا منك هنايا
أنتي اللي فيكي أحلى الأماني
حتى الثواني و كاس دوايا
كان من منايا أمسح دموعك
عشان مفيش بعدك بداية
يا حلم بكرة و ضي شمعة
كل همسة ليك من غنايا
على غصن قلبك
برقص و أغني
يا حتة مني و دموع حشايا
روحي و روحك طيور بريئة
و دي الحقيقة بتحوم فضايا
خليكي فاكرة مش ممكن أنسى
بشوف في عينيك ضحكي و بكايا
لو كنت ذكرى في أحلام وصالك
و ادور في دربك كما الرحاية
أيامنا بكره هتكون عشانك
شراع واخدني في بحور أسايا
حيران بفكر و اسأل عليكي
سهر الليالي و شموس ضحايا
يا ريتني بعرف أوصف جمالك
رسمت بيكي أحلام صبايا
بزهور جمالها من أصل لونك
و نجوم تنور في ليل سمايا
أسير عيونك دا من خصالك
يا نبض قلبي إيه الحكاية
أزاي راح أنسى و اعيش بدونك
و كل عمري ليك في النهاية
~~~~~~~~~~~
بقلم / رمضان العلالقة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
