بحتاج وجودك للشاعر / مدحت عطية

لما بتنقص
بتحتاج إلـ يَكَمَلَك
لما بتصرخ لوحدك
بتحتاج حد .. يكلمك

لما بتتقل الشيلة
بتنادى حد .. يَحَمَلَك
لما بتضيع ملامحك
بتحتاج إلـ يَجَمَلَك

بحتاج دايماً
تكونى فى ضهرى
قدامى .. وحواليا
تغزلى صبحى
وفجرى

بحتاجلك بنوته
قاعدة فى حجرى
بحتاجلك خطوه
وأنا بجرى

كفايه تحس
أن حد عينه
عليك
بيقول إلـ على
لسانك
بيقرا
إلـ مكتوب
فى عينيك

لو مش شايف
يخطى .. برجليك
لو مش طايل
يمد إيده .. فى إيديك

بحتاجلك
تحتاجينى
تجرى على
إجرى عليكى
القاقى
تلاقينى
أجيلك
تجينى
أرفع بيكى
جبينى

تسكنى البال
وأكون .. جارك
ووقت الغربه
أكون دارك

ولو شوفت
دمعه ريحالك
أحلف ما أنام
وأجيب تارك
بحتاج أضحك
فى صوتك
فى همى
بحتاج صلاتك
بحتاج سجودك

لما أتعب
أسند على عودك
لما أروح منى
بحتاج وجودك