******* لملم رماد نار الحريقة وإرسمه خط ما فهوش منحنى إمشي على ذكرى حياتك مستقيم إقفل الشبابيك تملي م الهوا يا تراب على جنب الطريق مين اللي قادر يحرسك من عطسة تيجي ف الشتا إيه اللي خدته معاك زمان حفنة وجع من متجر الهم إشتريتها .. وشتلتها شتلة ضياع ودفنتها جواك ف نارك والألم كان الحطب وجه فلحظة ولعك وجريت لصورة بحر تطفي جمرتك ناسي إن بحرك دا ورق عمره ما يهديك الحياة لا بر عنده ولا شطوط برواز حياتك صار دمار ووقعت من جدران زمانك منتهي نفسك المرفوضة من عالم وجودك صبحت سراب أو طيف متقدرش ف مرايتك تلمحه إيدك المرفوعة فوق مستسلمة قوللي لمين وإنت مش قادر تكون وسط البشر حتى الخيال لملم رماد نارك فقبرك وإستره كعب النعال مبقاش يشوف إيه اللي ممكن يدهسه ********* كلماتي / علاء الدين علي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
