(بدون مجاملة))..للشاعر حمادة النخيلى

روعه وجميلة ويسلمو
والحرف والله ركيك
ليه كل حاجة بقت مجاملة
إعجاب ولايك إبقى شيك
بالشكل دا راح تندموا
ولا عمروكم تتقدموا
بالله إمتى حا تفهموا
مش كل شىء ينفع مجاملة
الشِعر من دا بيحتضر
والقصة راحت تنتحر
وانت بمجاملة بتفتخر
والله عيب
إدعى الصُحاب على شان تفوز
أصل المُسابقة لازم تِحُوز
أكبر عدد لايك يَجوز
والله عيب
فين الجمال والتقد فين
على شان عيوبنا بيه تبين
ولاَّ أنت خايف تبقى شِينْ
والله عيب
خيرُ الحروف ما فيه دل
لو كان كلامى صحيح قُل
المعنى للكُلِ وصل
وبدون مُجاملة
……………………………………..
حماده النخيلى