من المعاناة يخرج الإبداع هكذا تعلمنا دائما والأمثلة فى هذا المجال كثيرة .
شباب كثيرون ظن المجتمع أن إعاقتهم التى ولدوا بها أو التى حدثت لهم فى الحياة ستكون عائقا أمام تحقيق الحلم ولكنهم بالمثابرة والعزيمة اثبتوا غير ذلك
وضيفنا اليوم هو شاب يعانى من إعاقة ضمور باليد اليسرى غير أنه لم يستسلم وأمسك بفرشاته والوانه وأطلق ليده الأخرى ولإحساسه العنان لينسجا سويا لوحات الإبداع وعن نفسه يتحدث يوسف لهمسة بتلقائة شديدة
اسمي يوسف محمد عبد النبي محمد السن ٢١ سنه لسا مخلص دبلوم صنايع قسم زخرفه -انا كنت بحب الحاسب الآلي والكمبيوتر كنت بحب اشتغل في المجال دا جدا بعد كدا ابتديت اتدرب علي الرسم وانا صغير وكانت والدتي بتشجعني كانت في ناس كتير بتستغربني إنت ازاي عندك إعاقه وبتشتغل وبتروح وتيجي وبتعمل كل حاجه فضلت اشتغل كتير والحمد لله شغال مع والدي شغلنا احنا أجهزة رش الأليكتروستاتيك طول عمره بيشجعني وبيكون جنبي وبيقف معايا والناس حبتني في شغله وبيستغربوا إن عندي اعاقه وبشتغل وبعمل كل حاجه حبيت الرسم بيطلع إحساس جميل جوه الانسان وبيحفز الانسان لكل حاجه جميله واللي شجعتني أكتر لما كنت فاقد الامل أما شوفت يسرا أشرف زميلتي وجارتي لما شوفتها بتصمم علي حلمها رغم ظروفها صممت انا كمان علي حلمي وقولت هفضل وراء اي حاجه بحلم بيها لحد لما احققها
******
إنتهى كلام يوسف لكن الحلم مانتهاش اللم لسه بيبدأ وهايكبر ويكبر هوا كمان وياه ومن هنا فى همسة ننشر صور يوسف اللى فعلا بتدل على موهبته
