بشويش وحده وحده.. يا النجوم يالا اللعبى الأرض نايمه ممدده . متهدده .. مهدوده من يومها الطويل هلكانه جدا متعبه .. من دوس ولادها ودبهم .. أوهبدهم أوحفرهم .. وا لتفجيرات الى تفتت قلبها وأملها تصحى فايقه رايقه مجدده بالراحه هدى لجل ما يرضى النعس يسكن عيونها الدبلنين المليانين بخضار ونار.. وأبار عسل ..وأبار مرار ويَهدى جوفها الى اتحرق طول النهار أرض الجمال أرض الشقا .. أرض الحقيقه والخيال أرض الفراق.. ساحة اللقى .. فيها انكسار ..فيها الأمال وساعات تكون متسوله.. وساعات عناوين الجمال دى جميله جدا لو تروق .. ولما تقلب وشها ..تسقيك قرفها وذلها قديسه ..لاهيه ..مدروشه .. ومشوِشه ..وموششه ..ومخربشه ومنعكشه ومكلبشه فى قمرها جوه حضنها .. بيحبها .. ولما يغفل جفنها يبعتلها.. بوسه تنور خدها .. هتمدها بالقوة . تنده فجرها .. يبعت رسالة لشمسها تيجى تسلم نفسها .. من تانى يبدأ يوم جديد بالنور يريح قلبها إيمان مصطفى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
