ط
مسابقة الشعر العامى

بطرس.مسابقة الشعر العامى .بقلم /محمد جمال عبدالوهاب خليل .مصر

الاسم: محمد جمال عبدالوهاب خليل .
الشهرة: أبوعمر المصرى .
العنوان: المنوفية – مصر .
البريد الالكترونى: [email protected] .
تليفون: 01270125415/ 01065195651/ 0483849622 .
التصنيف: القصيدة العامية .
عنوان القصيدة: ” بطرس” .
..
يا بُطرُس قولى من إمتى
رضينا بـ فُرقة أنا وإنت
تخش من بينا أو حتى ..
نسيب إيد بعض فـ المتاهات .
..
يا بُطرُس قولى من إمتى
مـ شلناش بعض فـ الأزمات .
..
أبوك وأبويا رَبونا ..
فـ بيت واحد / وعـ الوحدة .
ملامحك واخدة شيئ مِنّى
وبرضه ملامحى أنا واخدة ..
وطول العمر يا بُطرُس
أنا وإنت بـ روح واحدة ..
ومن بطن البلد دى إخوات .
..
يا بُطرُس قولى مين قالك
بإن مـ بينا فيه مسافات .
..
ياريت ترجع بـ أيامك
لـ نفس الفصل والتختة ..
ونفس القعدة فـ الشارع
ونفس الحارة والحتة ..
ونفس اللقمة نقسمها
عليا أنا وإنت بـ الحتة .
..
يا بُطرُس قولى من إمتى
سمحنا مـ بينا بـ الفتنة ؟
فـ لَمّتنا و ضّمتنا
ومَشّيتنا وعِشّرِتنا ..
وصُحبة عُمْر جَمَعتنا ؟
ده لو تسأل حيطان بيتكوا
إلـ ياما أخدنى من بيتنا
تقولك ألف حدوتة ..
أكيد عشناها وعاشتنا .
..
يا بُطرُس ده إلـ مَـ بينا
وريد مـ الدم رابطنا .
..
فـ لو نقطع فـ يوم بينا
محال القطع يوم ينفع .
يجوز ننزل يجوز نطلع
يجوز ناخد يجوز ندفع
لكن صعب الحياة بينا ..
نهد وصالها أو نمنع .
..
لكن صعب إننا نوافق
بإن الشر يوم يرتع .
..
أنا وإنت يـ إما بلاش
أنا لوحدى مـ هقدرش .
وأنا وياك عشان إنت ..
بدونى الِحمل مـ تشلش .
..
أنا وإنت إنكتب لينا
نكون لـ اجل الوطن ده عماد .
نكون جوه البلد دى اوتاد .
عشان هى إلـِ ولدانا
وطول العمر وخدانا ..
فـ حضن مـ هوش فـ أى بلاد .
..
يا بُطرُس مستحيل إنه ..
يكون بينا فـ لحظة بعاد .
..
يا بُطرُس ده احنا بنجمع
ونتجمع وبندمع عـ الصلوات .
فـ قولى ازاى ياواد انت ..
نسيب إيد بعض فـ المتاهات .

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى