تعرض الفنان إسلام إبراهيم لتعليقات تنمر على مواقع التواصل الإجتماعي بسبب إطلالته في حفل افتتاح الدورة الـ42 لمهرجان القاهرة السينمائي الدولي.
وكتب «إبراهيم» منشورا طويلا عبر حسابه على «فيسبوك»: «ما لها البدلة يا جماعة مش فاهم، ولا عشان أنا اللي لابسها فمن حقك تشتم وتجرح حتي لو أنا ما أساءتلكش في حاجة أو غلطت فيك».
أضاف: «اللبس ده حرية شخصية، البدلة كحلي في أبيض عادية جدا، أنا شايفها حلوة، ومازلت شايفها حلوة. بجد مهنة التمثيل بقت قاسية جدا ومش أي حد يتحملها والتنمر اللي بيتعرضولوا الفنانين بقى لا يحتمل، ومحدش يقولي متردش أنت شخصية عامة، أنا في الاول والاخر بني آدم وبردوا مش هتقدروا تهزوا ثقتي في نفسي أو في ربنا».
وختم قائلًا: «أكيد مش كل الناس مقصودة بالبوست بتاعي بفضل ربنا في ناس كتير بتحبني وبتحكم عليا من خلال فني اللي بقدمه وبس. ربنا يخليكوا ليا ويكتر من أمثالكم»
