مازالت آثار الأمسية التى أقيمت باتحاد الكتاب والتى اتهم فيها الشاعر ناصر دويدار بالهجوم على أم كلثوم وأحمد رامى تلقى بظلالها على الساحة الأدبية مابين أخبار متناثرة عن رفع قضايا على الشاعر أو مهاجمته من بعض الأشخاص .
وقد أصدر الشاعر اليوم بيانا نفى فيه الهجوم على أم كلثوم ورامى متهما من يهاجمونه بالتربص واقتطاع الحديث من سياقه بما يخدم أهواء الذين يتربصون به ، وهذا هو نص البيان الذى قام بنشره على صفحته الشخصية
ـــــــــــــــــــــــــــــــــــــــــــــــ
اتحاد كتاب مصر قيمة كبيرة
وأنا أحترم وأقدر الكيان لأقصى درجة ،
اللى حصل بعد ندوة ام كلثوم من هجوم كان تربص واضح…، كان غير متوقع على الاطلاق لأنى مستحيل أهاجم ام كلثوم أو رامى ،
مستحيل يكون ده قصدى او افكر فى كده اصلا ،
ازاى اهاجم أعظم من انجبت مصر علي مستوى الكلمه والغناء وصفحتى تشهد والمخلصين يشهدوا
أما المتربصين…شغالين علي طريقه ولاتقربوا الصلاة….ماتكمل طيب اتعب نفسك شويه عشان حق الله
أنا أحترم الكلمة جدا جدا ،
واحترم اى صوت عظيم ، وبسافر معاه لآخر الدنيا
يبقى ازاى أهين صوت رائع وكلمة عبقرية ،
ازاى بس ،
يا ريت نسمع الندوة كلها علشان الكل يعرف أنا اهنت ام كلثوم ولا لا ،
مستحيل يحصل منى
انا منزعج من كمية التطاول والشتيمة وإلافترا علي شخصى واهلي وبيتى
ازاى اتطاول على روحى ،
أنا اتعلمت الكلمة الحلوة والصوت الحلو من ام كلثوم ورامى ،
ياريت بلاش اقتطاع الكلام من سياقة ،
بلاش نسمع عشر دقائق من ساعة كاملة ،
بلاش ….علشان يبقى حكمنا صح ،
ومرة عاشرة والف انا بحترم السيده ام كلثوم
وارجو من العقلاء والشرفاء عدم الانجراف ورا انفعال عاطفي وشتيمه ازعجت اهلي واولادى علي كلام ماحصلش منى
قلت …(يقال)…يقال وقلت عبقرية لن تتكرر ولابعد١٠٠سنه
ارجوا من المحترمين تصحيح ظلم وافترا علي كلمه كان المقصود بيها شخصى الضعيف
محبتى للسيده ام كلثوم لاتنتهى
ولوالدالشعراء العظيم احمد رامى
وتحيا مصر بكل الشرفاء المخلصين
تحت قيادة أعظم من انجبت مصر في ظرف تاريخى شديد التعقيد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
