.(((..الجزء الثانى ..)))
بقرتنا مش زى البقر
=========== بقلم عونى هشام
بقرتنا مش زى البقر
كل البقر غار منها
دى كانت زلول يابشر
وموسى كلم ربها
ا
بقرتنا ندبت حظها
على اللى كان واللى جرى
وانا حزين من اجلها
وياريت كلامى يتقرى
كان من زمان يوسف هنا
تاه الزمان تانى مننا
كان زرع اخضر عندنا
بقينا نشحت اكلنا
حتى البقر اصبح عجاف
م الحقد والارض الجفاف
وكل شئ اصبح مباح
وم اللى شايفه بقيت اخاف
الخوف معايا مفيش امان
حتى البقر ما عاد ينام
واللى حسيت عنده بحنان
لقيته بياع فى الكلام
مش هم دول نفس البشر
ولا احنا فى زمن الغجر
حتى الغجر بينهم سلام
صدقنى طفشتوا البقر
عايز حليب روح هات علف
انا اصلى ما بحب السلف
قاعدلى فى البيت او تنام
وكل شئ عندك تلف
ياخى تاك قرف
حتى السلام بتردة وكأنه بأرف
راح السلام اللى كان
هو عنوان السٌلف
حتى المعانى الحلوة تاهت
وكل كلمة
متصنعة كتييير بالكلف
اقوم اسعى على رزقك اوام
السعى خير من المنام
شبعنا مكنوا كتير كلام
وكأننا فى حالة ترف
جاتك الارف
حتى البقر ما عاد ينام
من خوفة فى الليل والظلام
وكل عجل
فى حضن اخوه وبيسرقوه
ويخاف يقول لفظ بكلام
لكن بقرتنا مفنجلة
وبتمشى خطوة محنجلة
ما يهمها ان كان حرامى او امام
تديلة رفسة يموت اوام
ودفنته مستعجلة
بقرتنا غير كل البقر
صدقونى يا بشر
شربت معايا المر كاس
وبطيبة تسعدكم ياناس
وان غضبت ترميكوا بحر
ارجع لاصلك وانسى يوم
مَشّى الغجر
لا عمرها زعلت معايا
والحليب فى درها
مهما جاعت كان دوايا
وتطبطب عليا يقرنها
وتحن ليا اشرب حليب
وكأنها هيا الطبيب
ولا حد يوم سألها مالك
ولا جفن منهم يوم طرف
جاتكم قرف ّ
بقرتنا غير كل البقر
نفسى يعود الحب
بين اهلى وناسى
نفسى يعود
وارجع فى يوم
اعرف اساسى
واصون عهودى والوعود
وارجع لارضى وابات فى دارى
والحب يوصلنى بجارى
اياك تخبى او تدارى
ظالم بخبسة يوم يسود
مهما يطول الظلم
العدل لازم ينتشر
والبقرة ترعى مع الديابة
من غير ما يحرسها بشر
هو رجع لنا عمر
امتى يعود الراعى
يحرسنا بعَلم…؟
يسأل علىنا بقلبة
ويعرف مين اتظلم
ويداوى جرح فقيييير
ويشيل الالم
امتى تشوف بقرتنا نور
مش ضلمة وعتم..؟
بقول كلامى من آلامى
انتوا افهموه
عشت الليالى انعى لحالى
وحتى حالى ما يرحموه
الرحمة فينها يا بشر
مالقيتها غير عند البقر
اصل البقر ياكل ينام
حتى بآلامة ما يشتكى
له رب عالى فى المقام
يعرف كلامة لو حكى
وانا ندهت بعلو صوتى
حتى صوتى اتحشر
لا جانى منكم يوم كلام
ولا شفت فيكم يوم بشر
بقرتنا مش زى البقر
نفسى اشوف منكم نفر
يزعق معايا نقول كتير
بلدنا يلزمها التعمير
وكمان عزيمة من البشر
=================
بقرتنا مش زى البقر
