بلدى دى شجره طراحه
جيل ورا جيل ورا جيل
لها رمش نظرته دباحه
جواها صافى وجميل
انا مهما أوصف فى جمالها
ما اقدرش احكى اوصافها
يلزمها عمر طويل
عشاقها فى بلاد مشتاقه
عارفين بلدنا الشواقه
وأله ماليها مثيل
جمالها دا جمال ربانى
النظره ليها سحرانى
فى هواها ب اعزف الحانى
والقلب يرقص ويميل
عاشق ياناس كل مافيها
عاشق بيوتها وضواحيها
والخضره ويا النيل
غرست أحلامى فى نيلها
واما بفوتها بغنيلها
وان غبت عنها بحنلها
فى هواها ب اكتب مواويل
بلدى الاصيله ماليش غيرها
متربى عايش من خيرها
ومهما أوصف جمايلها
انا وصفى ليها برده قليل
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
