بلياتشو حزين .مسابقة الشعر العامى بقلم / ولاء الدين فاروق محمد حسين.مصر

الاسم ولاء الدين فاروق محمد حسين
البلد مصر
نوع المشاركة شعر عامى
صفحة الفيس بوك Walaa El-Deen Farouk

اسم القصيدة ( بلياتشو حزين )

أنا من غير عنيكي السود
بكون عنقود عنب مفروط
وعقرب ساعه مش مظبوط
و آلة عود
وترها م الزعل ساكت مبيغنيش
وكام كلمه في وسط الغنوه
بتعافر و مبتحكيش
أنا يا حبيبتى مش عايش
و بيكى هعيش ..دا بيكى هعيش

يا احلى من بنات الكون
و لونك هو اجمل لون
يقولو الواد بقا مجنون
ميلزمونيش

انا البلياتشو بس حزين
و عدا عليه سنين و سنين
و شافك شقلب الدنيا
ضحك ملايين

ف خليكى و ما تمشيش
دانا هقفل بيبانى و شيش
و لو هناكلها لقمه عيش
نعيش راضيين

دا انا من غير عنيكى السود
كأنى الوهم .. مش موجود