~~~~~~
بهرب من إحساسي ساعات
و ابدأ افكر فيك و في حالي
بعدك عني جحيم أحزاني
و انت الجاني و أنا ما انساك
بسهر ليلي معاك في آهات
أنا ما هفكر فيك من تاني
لازم أكفر عن عصياني
و انسى ألامي و غدرك ليا
كنت ضحية لظلم هواك
بعيش أيامي أنين من غيرك
بس يا ريتك ترضي ضميرك
طمن قلبك و اثأر مني
غصبا عني قبلت جفاك
دانا مش قد البعد لأني
حاسس روحي بتطلع مني
و بتقتلني شهقة عشقي
زيد من بعدك لأ مش هشكي
دايما افكر فيك مش بنسى
ولا بتحمل يوم من غيرك
كتر خيرك تعبت معاك
كل مبهرب من إحساسي
بسمع صوتك من أنفاسي
بس يا روحي بضيع وياك
بهرب منك قد ما بقدر
كل ماببعد أكتر و أكتر
بيغيري حنيني في بعدك
أشعر همسك من وجداني
فيك بلاقيني و فيا ألقاك
بعد ما ببعد أخر الكون
بحس الوحدة أقول مظلوم
و ارجع أقولك فين يا ملاك
أهرب تاني و أعود في احضانك
بحس الجنة يا روحي مكانك
نسمة رقيقة و أنا بتمنى
أعيش و أتهنا و أنسى أساك
~~~~~~~~~~~
بقلم / رمضان العلالقة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
