ـــــــــــــــــــــــــــــــــــــــــــــ ليه الضحكة صبحت مسجونة بين جدران الكتمان ؟؟ !! والابتسامة مليانة دموع وخإيفه تبان ؟؟ !! تهز كيانك ,, وتترسم من غير ألوان , وتهرب منك وتوه وتدور عليها كما معتوه بين سدود وحدود ورخى وشد ومد . و بين خدود الورد اديك بسرعة تتمد محتاج للدفا تلاقى البرد وشوك ما يتعد يجرح إحساسك وحلمك ويجرحك أنت بجد يسيل دمك غليل تلون وش المستحيل تحس إنك عليل وحدانى من غير خليل . وتدور ,, ف خطوط وشك وبين حواجبك ورمشك و ف عيون ناس بتحبك وناس ضحكت مرة ليك و مرات كانت بتغشك وتنسى إنك فرحان , بس ما تنساش الفجر حان ,,
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
