دوامة اﻷوهام ..
بتلف بالقلب الحزين
تنزل لقاع المستحيل ..
تطلع لى بالجرح الدفين .
أياااامى يا ساقية
والقلب غماية ..
سدت عيون الروح
مش باقى غير النوح
مطروحة افراحى على امبارح
مجموعة احزانى على اﻵتى
و ادي اﻷمل مدبووووح
(بيفر ويفرفر )
حالف فى يوم يرحل
عن قلبى .. عن ذاتى
حتى فى قسماتى
معجونة أنااااتى .
ليلى ياليل حااالك
إيه بعد ترحالك
أو بعد روح الروح.
قلبى ويا واقف ومش مسنود
من فوق عروق جسر الهوي المهدود
دوامة اﻷوهام عمالة بتشدك
مد فى عروقك مد
طب فينه شريان الحياه اللى اتسد
مد فى عروقك مد ع اﻵخر
طعم البراح عمال بيتتاخر
اعبر باقدامك على سلم الشطآن
تجاعيد شقوق اﻷرض ع الجدران
وما تطمنش ..
لساك بتحلم باﻻمان
؟؟
وفييييين تلقاه !!!!
مقفول يا شريان الحياه .
///////////////////////
