كلمات
نورالجنه محمود درويش
مصر
تحرير ضمير
***********
مشكلتنا إننا
بنكدب كتير
وكمان نصدق نفسنا
من غير دليل
ليه السنين متلخبطه
مشاعرنا دايما محبطه
أوقات بنهرب م الغطا
وبنستخبى فى جرحنا
ايه اللى فاضل مننا
لما الجراح بقيت لنا
هى الأمان
لما اللى راح
تاه من زمان
سايب مكانه
سنين وجع
حتى اللى خان
عمل البدع
ومفيش حساب
حتى الأمل
اصبح عقاب
والمحتمل
نرضى العذاب
مين الألم
تقل عليه
كده كتفه
مين الدموع
حبت عنيه
وبتوصفه
انه يدوب
قادر يشوف
طريق غريب
مفروش بخوف
معموله فتحه صغيره
عند الجدار
قادر يعدى
اللى جرى له
م الزمان
وايدين كتير
عماله تدبح بافترى
سامع كلام من
ناس بتحكى
ع اللى فيه
فى ناس تقول
الله عليه
حِمل مداريه
وناس تقول
الحق نفسه بينتهى
كل الكلام هنسمعه
و الرد لازم نمنعه
والقلب حالته
مش تمام
مش مستقر
لازم ينام
عشان يريح
حبتين
ماهو أصله
صاحى من سنين
دايب بقا
حب وحنين
لو يوم تعب
يسمع أنين
شغال ولا عمره
اشتكى
حتى ولو زاد
البكا
صامد أكيد
عايز يعيش
جامد حديد
راكبله شيش
منه يشوف
نص الحياه
ينسى الظروف
فينول رضاه
ويفؤ على
وجعه المرير
راقد لوحده
بيشتكى
فوق السرير
أتاريها كانت
مرحله تحرير ضمير
والقلب باقى بينتفض
لحظه رجوعه
والعين تواسى دمعته
لحظه خضوعه
وتقوله إحمد ربنا
إنك هنا
لسه اللى باقى
من حياتك
تقدر تعدل فيه كتير
أديك رجعت لدنيتك
والباقى خير
نور الجنه درويش
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
