——–
نسيب الريح تمرجحنا
نقول مااااااااااااااشى
ولو عايــزه تطـــــوّحنا
ما يجرااااااااااااااااااش
ولو تتكسر المجاديف
وتكسينا ملامح خوف
ونتلحف ف حضن خريف
برجع تــــــــانى نتمنى
نسايــــم سحر تتغنى
ولما السحر يســــألنا
ليه سايبينه بعيد عنا
نقولوا ياسحر أستنى
وأستوعب لُغه قولنا
طاطينا لما عدى الريح
وهدّيت لعبة المراجيح
وبدلنا الأمل مجـــاديف
وشلْنا من عيونه الخوف
جينالك لأجل ما نقول لك
كتير عدْت علينا ظروف
تفكرنا برخامة ضيف
ولما بفكْرنا نطاطى
نعديها سحابة صيف
