تصبيرة
……..
مفتتح
………..
رغم ان صوتى عسل
بس المدى أسود
جربت أغنى أمل
رد الصدى ..احود
ساكت على عينى
وفى القلب سكينة
امتى هيحلى الغنا
ولا النصيب يسعد
……………
القصيدة
……….
كبرتك مية سنة جوايا
ورسمتك على قد هوايا
قلبت عليكى جبل سكر
ما فضلش غيرك فى الكوباية
علمتك اكتر ما تعلمت
وداريتك لحظة ما تألمت
صحيت الحلم غلطت ونمت
فصحيت ما لقيتكيش ويايا
أصرخ ولا أندم ولا أكفر!
بالحب انه يشب ويكبر
مستخسرة قلبك ليه فيا
بعد ما ربيته بيستكبر
مش فصل وبايخ ويعدى
ده اللى هيتعذب جاى بعدى
ده انا مين و قدرتى وسبتينى
سيد مين فى رهانك راح يخسر
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
