حبيبتى ..حيرتينى .. معاك بجد .. وخلاص ضاع مني الويك إند .. جمعه وسبت وكمان حد .. هي نقاش ملهوش لا أول ولا أخر ولا حد .. وشكل الموضوع في الأخر .. داخل بينا بالشكل ده .. أكيد يا حبيبتي على حيطه سد .. يا حبيبتي محدش قالك .. إني مليش في المناهدة خالص .. لأني راجل جد .. ولا عندي روح أو وقت .. أقعد أحسب وأعد .. وحكايتي معاك صارت صعبه جداً .. محصوره ما بين جزر ومد .. وفي الأخر راح تلاقيني سكت .. لا مني حكيت في إيه مالي .. ولا مني داريت عنك حالي .. لا حتى كملت تغريدتي وموالي .. وأهو الزهايمر معاك فجاءة أهو جالي .. طاب عارفه أنا دلوقتي نفسي في إيه ؟ .. أنا نفسي أروح البيت و أنام .. وأبطل كل ما يسالوني عامل إيه ؟ أرد ببرود كله تمام .. ومحدش يرجع يسالني .. أنت مين ..؟ ولا إبن مين ..؟ ولا إسمك إيه ..؟ ولا كنت فين..؟ ولا جيت منين ..؟ ولا حتى إيه سر الحزن إلي تملي مداريه .. تغريدة تعب وقلق …احمد بيومي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
