.. الليلة أنا جاي أحكي حكاية أجمل بلاد الدنيا من عصر لعصر .. سمعكوا بتقولوا إسمها .. أبوه صحيح هيا حكايه مصر ..
تعال إسمعني يالي ما تعرف مصر ..
أفتح كتاب الحضارة معايا وتعالى كده وبص ..
إسم مين ده يا إبني إلي منور في أول سطر ..
اقرأ ..أرفع صوتك خلي الدنيا تسمعنا ..
يمكن البعيد إلي معندوش دم يحس ..
قلت مين موش سامع ..
أيوه خلاص سمعتك ..
وأنت بتقول مصر ..
طاب هات من فوق الرفوف أقدم كتب التاريخ ..
إلي بيحكي عن الإنسان ..
برضوا راح تلاقي إسم إنسان ..من مصر ..
مينا ..خوفو ..خفرع .. منقرع ..رمسيس ..تحتمس ..
حتشبسوت ..كليوباترا ..شجرة الدر ..كمل كمان ورص ..
بلد علمت الناس الكتابة والنقش والحفر والخزف والجص ..
بلد الناس الطيبين والناي والنيل فيها حتى التراب بيحس ..
بلد جيشها خير أجناد الأرض ..
لو فكر عدو يحتلها راح يمصمصوه مص ..
بلد فيها الدين لله ..مسلم ..مسيحي ..
كله على الله .. وقلوب خضره زي الخص ..
حتى ريحة المطر والبحر والندى هنا مختلفين لأنهم من مصر ..
إرهاب مين بقى إلي عاوز تنشره يا خسيس يا إلي مبتحبش مصر ..
دا إحنا الشعب الوحيد في الدنيا ..
إلي يسمي محمد حمو .. وحسين بسحس ..
وإحنا إلي بنادي مصطفى بصاصا ..
إحنا أصحاب أخف دم بين خلق الله ..يا جحش ..
لا للإرهاب ..لا للفتنة .. لا للفساد والفحش ..
هنا غير صوت المآذن وأجراس الكنايس وضحك الصبايا ما تسمعش ..
تغريدة عشق مصرية / أحمد بيومي ..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
