ثصيدة : ولسة الشمس اهى بتطلع . مسابقة الشعر العامي بقلم / محمد عبد المنعم عبد الحليم

ومن امتى الحياة وقفت
عشان حد ف يوم فارق
ما عادى الدنيا اهى مشيت
معاها الوضع مش فارق

ولسة الشمس اهى بتطلع
ورايحة الناس اهى وجاية
وصعب إنك ف يوم تسمع
يقولوا الدنيا مش ماشية
……………………………….

محدش مات عشان مرة
فى حد ف الحياة سابوا
هيتعب اه يدوب فترة
ويتعود على غيابه

ويبقى خلاص يدوب ذكرى
ونتقابل بناس تانيين
قلوبنا خلاص بقت شاطرة
بتنسى اوام ومش ف سنين
……………………………..

وعادى خلاص ما اهش خلصت
ما لسة الدنيا اهى دايرة
ولو حتى ف ناس مشيت
ف غيرهم جاى من بكرة

ولسة اهو ياما هنودع
ومنا هتاخد الدنيا
مفيش حزن ف يوم رجع
عقارب الساعات ثانية
……………………………….

ولسة الشمس اهى بتطلع

كلماتى
محمد عبد المنعم عبد الحليم
القاهرة
جمهورية مصر العربية
شعر العامية