ط
مسابقات همسهمسابقة الشعر

جدول احزان.مسابقة العامية للشاعر محمود عبد العليم عبد القادر من مصر

الشعر العامى

قصيدة جدول احزان

يعنى اية بنعيش يوماتى ولا نفتكر ولا لحظة ؟
يعنى اية ؟
مسروقة منا الذكريات العمر بقى قايمة رحلات
دى رحلة طفولة مليان ابتسام قليلة تسمع فيها اهات
ودى رحلة صبا الحلم فيها زى المطر وبينسقط قطرات
وبعد منها شباب مستكفى من الاهات
وبعد منها طابور مهام ومسئوليات
وفى النهاية تسمع خبر بطل المراحل مات
فارق دنيتة وكفنة محمل ذكريات
على كل حتة فى كفنة مرحلة وبتقول روايات
دى حتة الطفولة ودى حتة الشباب
ودى الاهة الاولى وجاية من اكتئاب
ودى اول فرحة ودى بدلة وطرحة
وفى كل حتة هتلقى كتاب
اول كتاب العمر مليان طفولة
وكل شئ على المهل وكل شئ بهدوء
دى ضحكة من باب ودا حضن من ماما
غرقان فى حب وشوق
وكل الحكاية سنين بتعدى بينا ولا حاسين
وفجاة نلقى صبانا حوالينا ومتحاصرين
وابدا احلم وابدا ارسم والطموح عنوانى
انا هبقى ظابط انا هابقى قائد هابقى فى الشركة مدير
انا هابقى دكتور هابقى كابتن راكب طيارات بتطير
نبدا نسابق فى الزمن ونقولة دوغرى
محتاج اعيش دور الشباب محتاجلة بدرى
وفجاة الاهة تصرخ يد دنيا لية طاوعتينى وخلتينى شباب
عمرى لسة يادوب بس الشعر شاب
عمر ما كان دا حلمى استحالة اكون شباب
شبابى دا ريحانة مش صدمة فى اكتئاب
كل صدمة بمبلغ خلاص زاد الحساب
فين وعودك فين طموحى رد ولا انا كداب
فين حبيبتى اللى انتى قولتيلى هتبقى ليك
فين وظيفتى سنين بهاتى فى التعليم
والنهاردة بتقوليلى ربنا يعوض عليك
فين كلامك فين شبابى
بتنهى لية سطور كتابى
ونرجع نقول للزمن والدنيا والايام
يا تفرحينا يا تجرى بينا يلا همى اوام
ونفكر ومن طيابتنا ان احنا بنهددها هتخاف وهتحقق
بس الحقيقة فظيعة اتاريها ما بتصدق
وتجرى الدنيا بينا والعمر تقليدى
نتجوز جواز تقليدى . نخلف عيال تقليدى
ونعيش حياة تقليدى
يا ترى احنا انظلمنا ولا احنا اللى مش تقليدى
وبعد توهة ولخمة فى هم ومسئولية
والدنيا بردة كئيبة وعنيدة زى ما هى
كل اللى فيها جديد
جبتلها واد او بنت تعاملهم كالعبيد
لحد ما ييجى يوم وافارق دنيتى
وافارق كل ناسى واهلى وصحبتى
فعلا حياتنا معادلة رافضة تكون سهلة
والنهاردة خلاص رجعت مالرحلة
لفوا الكفن بما فية اهات او ذكريات
واجروا نادو وقولوا بطل المراحل مات
بطل المراحل مات

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى