( حافظ المسافة ) “سؤال وجواب” -سلام عليكم ازيك يا دكتور محمد
-الحمدلله ..
-ممكن أسألك سؤال سريع عن أسنان أبنى .
-اتفضلى مع حضرتك.
-ليه الدكاترة بتقول منخلعش للطفل تحت ٩ سنوات ..
-لأن الضرس اللبنى مهم فى ثلاث حاجات
أولا: شكل الطفل وهيئته
ثانيا: مضغ الطعام والأكل عليه .
ثالثاً: وده الأهم أنه بيحفظ مكان للضرس الدائم عشان يطلع سليم .
-ازاى يا دكتور مش فاهمه ثالثاً دى؟
-الضرس اللبنى ربنا خالقه يشغل مكان حتى خروج الضرس الدائم مكانه ويلاقى مكانه محفوظ فلو حضرتك خلعتى الضرس ده لطفلك قبل معاد التبديل بكتير الضروس اللى جنبه بتميل على الفراغ ده وتغير المسافة دى فبيخرج الضرس الدائم معووج لأنه مش لاقى المسافة المناسة عشان يطلع فيها .
-طب وايه الحل فى الموضوع ده لو حصل ..؟
-بتعملى حاجة أسمها حافظ مسافة .
-ازاى ده وايه الهدف منه ؟
-بتروحى للدكتور يعمل طربوش أو رنج معدن على الضرس اللى جنب المخلوع وطالع منه لوب معدن بيستقر مكان الخلع عشان يحفظ مكان الضرس المخلوع لغاية الدائم لما يطلع .
-شكرا يا دكتور على الإفادة .
العفو على ايه تحت أمرك وحاولى تبعدى عن الخلع للأطفال قد ما تقدرى ..
د/ محمد كامل الباز
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
