الشمس من ضحكة عيوني بتنكسف وتدوب برقة جوه بحر من الخجل بس الحقيقة ساعات عينيه بتستلف
من دوامات الحزن حالة من الملل
واقف على باب حلم ميت م الشقا
من قلب موج البحر فارد طوق نجاه
وش الحقيقة يقولي فات
وقت اللقا ما انتاش نبي
ولا كنت مرة ف يوم اله
ولا كنت يوم جوه الحياه
درويش سُطّلْ
بفتح ف قلب العتمة سكة
حدودها نور
وخطاوي عمري سنين بتصرخ ..
م الشلل
متكتفة على ضحكة نابتة
ف ارض بور
انا ضل زيف .. وجبال حقايق
لسه فيَّا مكركبة
انا 100 سؤال
و اجابة تايهة ف مركبة
عيل بريء .. شرير قوي
عايش حالات متركبة
وملبساني 100 قناع ..
جوه الحياة
اوقات باثور وبكون جسور
فعلا اوي
زارع غصون ورد الربيع
جوه الخريف
وشراع سفينتي
ف ليل شتايا الفهلوي
بيهزني
فأعرف بإني وقتها
اضعف ضعيف
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
