"حُبك جنون" *************** مــــش مهم إنك بعيده مش مهم إنك لغيرى المهم فــ حبى ليكى مش هَغير خط سيرى مهمـــا كان البعد بينا مهما كنا مــش لبعض جمر حُبك احلى جنه عشقى ليكى حُكم فرض غصب عنى مش بإيدى تبقـــــى روحك ليا خِل يوم مـــــــا سكنتك وريدى دوقت بعد الحـــر ضل فاعذرينى لو صارحتك واوعــــدينى ماتزعليش وإن حبيبتى فى يوم جرحتك إغفرى... ماتخاصمنيش واسمحيلى اكــون حبيبك حُب صادق حب طيب مش مهم اكون نصيبك المهم... اكـــــون قريب واسمعينى لما اقـــــــولك واما اعبر عن مشاعرى غصب عنى القلب مالك واتكتبتى كتير ف شعرى كنت قبلك شبه عايش والحيـــــــاة كانت ممله مره هادى ومره طايش كل يوم سهران فـــ شله واما شوفتك توهت منى والتــــــاقيتنى حد تانى والمشـــاعر رغم سنى زهزهت والنوم جفانى صـــــرتى ليا كل حاجه ف الحقيقه وف شرودى حتــى جوه الحلم شايفك صـــرتى حته من وجودى والخــــلاصه قلبى حبك مـــــره واحده بدون كلام مش هدارى الشوق واحبّك مش هعيشك فى الظلام فــــارجوا منك تعذرينى ع البساطه والوضـــــوح قلبى مغرم صـــــدقينى وبمشــــاعرى جى ابوح ****************** قلم/ حلمى قاسم
