مسابقة مهرجان همسة م٢٠١٧
خاص بالمسابقة
…………………
الاسم/ محمد سليمان غريب
القاهرة
تاريخ الميلاد: ١٠ / ١٠ / مم١٩٧٥
حبيبتي مصر
في معبد حبك الاعظم.. وحضن النيل. ومحرابك
ح اعيش.. تسبيحة مصرية.. بتبدر حب في ترابك
واعيش.. ملامح بيتحدي غرور الموج.. باهلابك
وشاعر ..كلمتي غنوة. . وبشرة خير. لاحبابك
* * *
وشمس الحب.. تفتح لك .. في كل صباح شبابيكي
وليل ونهار.. اشوف نفسي.. في نظرة عين روابيكي
واكون فلاح .. وعود اخضر.. يخضر لون صحاريكي
واعيش قنديل.. في شارعنا. مصاحب نور حواريكي
* * *
يا قلب كبير.. معلمني.. حروف العطف.. والواجب
حنانك زاد. مكفيني.. وعايش بيه.. و باتعاجب
ومهما يقولوا.. حسادك .ح اعاندهم واقول.. عاجب
ومش ممكن.. يهون حبك…. وتعلا العين عن الحاجب
