ط
الشعر والأدب

حب فات .قصيدة للشاعرة / هالة لاشين

حب فات

مابقاش كلامك يهزني
ولا بقي غرامك يهمني
هربت وبعدت ولا بتودني
احساسي مات
وشموعي انطفت
حبي ليك بقي ذكريات
مهما الايدين طبطبت
هو وقت عدي وفات
ماجتش ليه انهارده
ده الكلام أصبح سكات
وانهارده وبكره عدي
نغمض عنينا نشوف ضلام
نفتح عنينا مات الكلام
وايه بايدينا غير نقول
احنا تمام
القلب ماشي في سكته
راضي بنصيبه وقسمته
الايام زي بعضها
والاحزان بنودها
وعايشين راضين بحكمته

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى