حدوتة مصرية . مسابقة الشعر العامى بقلم/ محمود محمد عبدالغني الفقي .مصر

الاسم // محمود محمد عبدالغني الفقي
محافظة // البحيرة
جمهورية مصر العربية
تليفون و واتس // 01067412208
نوع المشاركة // شعر عامية

^_^_^_^_^_^_^_^_^_^_^_^_^_^_^_^_^_^_^_^_^_^_^_^_^

…………….حدوته مصريه…………..

بداية قصته ..
كانت لخدمة بلده ..
ولبى الندا كما لو من عاشق لمعشوق

استلم مخلته والقايش ركبه بالمقلوب ..

لم صحبته بضحكته وقلبه كان طيوب ..

وقف خدمته والبرد فصص جتته ..

والشمس زودت سماره على إيده وجبهته ..

اترجى الشاويش يااااااااااه على فرحته ..

عدت أيام ولا نام يوم في فرشته

صابر وراضي دا حتى ما بيختار لقمته

متحمل ليوم خروجه علشان دا يوم دخلته ..

خلصت الأيام وراجع عشان يسلم مخلته ..

أصل أمه مستنياه ومحضراله زفته
ركب ويا صحابه قصتهم زي قصته

وعقله كان مشغول وقلبه كان بينبض فرحته ..

وفجأه غدر بيه شوية كلاب على فرحته ..

لا قدر يقول آااااااااه ولا طلعت صرخته

بإيدى أغطيك يا زميلي بالتراب والتراب ستار

أسد وراجل وخانك رصاص غدار

أبكي عليك ودمعي على خدي ليل ونهار

كنا دفعة واحدة وحلمنا مع بعض نكمل المشوار ..

وأصبحت وحدي مقهور عليك منهار ..

مش عارف لما تسألني عليك أمك أقولها إيه ؟

والله ياصاحبي محتار
ياريتني أكون معاك ..

قبل ما يصرحولي بالإجازة
ولا اشوف الحزن فى عيون الأهل والجار ..

كنت فرحة أبوك وعيون أمك واختفيت خلاص عن الأنظار ..

أبكي عليك ياصديق عمري وتنطفي في عيوني كل الانوار

سبتني غصب عنك وعني بس إنت ارتحت ..

وأنا الي بشرب فى بعدك المرار
رجع لأمه وبرضه صممت على زفته ..

وخدته في حضنها وباسته على جبهته

وقالت بصوت عالي يا محلي جنته ..

ودي قصة صحابه اللي زي قصته

بس تعرفوا إنه اتعلم يلبس القايش بس مش بالمقلوب

أمانه عليك يا قبر ما يكون فيك حصى ولا طوب ..

جايلك ولد زين من غدر الزمان معطوب …