حرب نفسية..مشابقة شعر العامية.بقلم / طارق العجمى من مصر

قسم شعر العامية _ قصيدة ( حرب نفسية )
مشاركة رقم (1) بقلم/ طارق العجمي
الشرقية/مصر . 01063077669
______________________________
فتح الضريح
فانسل دمعه__ بين شقوق القبر
فاغتاب الذنوب..
فظن انه___ انسان قبيــ ح
فاشتاق يمووت
رفع رايات الانعدام
وظبط عقارب ساعته__ خلاص
ع الموت تمام. ..
قام راح في غفواية وسرح
قلبه انشرح
لصورة الطفل الي رسمه
في حلمه قبل ما يندبح
وف لحظة قام..
لقي عقرب الساعة.. نام
واتفاجئ انه !!
عاش كمان 2000 سنة
ويصحى يلقى انه بيرجع للبكى
في حضن تاه
منه في حبل المشنقة.
وصبح رميم .. فــ __
__
إنسى الــ قديم
واعزف على بقعة أمل
غنوة .. خلـــود
يمكن.؟ تعــــود
ترسم على وش القمر
صورة .. ضباب يــ
بدده صرخة يتيم
واقف بيسمع للآذان
مشتاق لآنــنات الحرم
خايف يكون
بقايا جنــون
والعقل.. تايه من زمن.
يورث ضبابة فجر متعاصة بندى. .
وكانه طير..
عصفور بينقش بالعظام فوق القبور
امته المشاعر يوم تثور.
بيتوه في مضجع نظرته
يرسم صور … وجه القمر
تجاعيده ماليه جبهته
بتقشعر …. منها السما
تنزل مطر__
فيجرف الصورة البسيطة
من القمر.
يصبح كفيف.
عن .حلم أصلآ كان ضرير..
فــ ازاي.. يصبح بصير…
ويحن للفجر الي مات
من طول عناد الشمس
ع الظهر الي اذن مالقهاش..
فاتوضى بسي؟ ماصلهاش
فلمح طشاش النور
بيرعد في السما
عضعض انامل كفه من
ضعف العمى
فانشد للبرق الي ظن
بأنه رجعله البصر
فانسحبت الروح العفيفة
من سكات
وبدون آهات
استسلم اليأس لفؤاده
من جديد
فصبح شهيد