ط
مسابقة الشعر العامى

حرمان ز مسابقة الشعر العامى بقلم / عماد البدرى محمد من مصر

قصيده عاميه خاصه بالمسابقه
كلمات /عماد البدرى محمد
مركز كفر الزيات محافظة الغربيه جمهورية مصر العربيه
تليفون /01281904603
*حرمان*
الحمل المتشال على كتفى
كات روح موجوده عشانها باعيش
ودموعى الغرقانه فى جفنى
ع الحب الل كان ما بيحرمنيش
من خوفها عليا من الدنيا
كات تزعل يوم ما اتعب ثانيه
وبتفضل جنبى وما تسبنيش
وازاى ما ابكيش
واهى راحت منى الحدوته من قبل النوم
كوباية شاى مع بسكوته وغيار وهدوم
وبتاكل هى الملح بعيش
كات تفضل دايما تدعيلى وتفرح بولادك
حلفتك ياابنى يانور عينى ماتسيبش اخواتك
حلفتك زى ما ابوك قالك دول زى بناتك
ما اقدرش ارد الا بحاضر
من روحها يارب ما تحرمنيش
لو تسال راح اقولك حاضر
خد روحى وسيب روحها تعيس
وازاى ما ابكيش
وملامحك دايما قدامى
مش لاقى الفرح فى ايامى
وسكوتى تايه فى كلامى
محروم انا بعدك يا امايا
تعبان من بعدك يا امايا
دا حنانك غاب عنى فى ثانيه ومن غيره باعيش
ازاى ما ابكيش
ماهى راحت منى الحدوته وع الحيط خرابيش
كوباية الشاى والبسكوته والملح بعيش
ربيتى يا امى وكبرتى
ارتاحى يا امى انتى تعبتى
ورجعتى لبيت ربك ربى
من نورها يارب ما تحرمنيس
من نورها يارب ما تحرمنيش

كلماتى / عماد البدرى محمد
01281904603

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى