انضم الفنان حسين فهمي لموقع الفيديوهات «تيك توك» لأول مرة، بعد تجنبه لسنوات، وذلك منعًا لمنتحلي شخصيته في الاستمرار عبر مواقع التواصل الاجتماعي، بحسب ماأعلنه.
أول فيديو لـ حسين فهمي على تيك توك
وشارك حسين فهمي الجمهور أول مقطع فيديو له، وقال: «بسجل الفيديو عشان اقولكم حاجتين: أولًا أنا كنت ببتعد عن السوشيال ميديا وكنت بعتبره عالم افتراضي ومش واقعي لكن اكتشفت ناس كتير بتقول كلام باسمي وبتقول معلومات غلط وناس بتستفيد من اسمي وعملت جروبات ولقيت أصدقاء بتقول بعتنالك وانت قلت ومقولتش وأنا مقولتش حاجة».
وأضاف: «قررت إن أنا يبقى ليا موقع وأدخل في السوشيال ميديا بكل ما فيها من حسنات وسيئات وأتقبل مصيري وأتحمل مدام أنا قعدت فترة طويلة بعيد، فيستحسن أن أنا أقرب وأتحمل كل النتايج».
