حضن ميت
كان مناها ايدها تحضن كف إيدك
تلمسك من جوه روحها
حبها يسرى ف وريدك
تستخبى بين ضلوعك
جنب قلبك
تبتسم ..
يظهر خضوعك
كان مناها حضن دافى
يختصر كل الكلام
لما تحزن ولا تبكى
حضن ليها يكون سلام
يختصر ..
بس إطمئنى لسه جنبك متخافيش
كان مناها انه فعلا
حبها يقدر يعيش
سلمت للعشق رايه
نسيت الخوف م البدايه
نسيت الرعب اللى ساكن
بين ضلوعها م النهايه
طنشت سرحت ودابت
جوه بحرك من سكات
لم تكن تعرف بإنه
حب فاخر
بس متحاوط آهات
كات بتحلم
بس ليل الحلم طوًل
وإلتهت ف الحلم نسيت
أيوه نسيت
وبمرور الوقت شافت
لوحه باهته
حلم بيفارق حياتها
قلب آسى ف ذكريااتهاا
وإحتضر أول م صحيت
حضنها الدافى الحنين
كان مجرد حضن ميت
#مسابقه_مجله_همسه
#شعر_عاميه
#أسماء_سعيد_صبحى
