قصيدة : عاشقة . للشاعرة / سالي صبري

أنا عاشقة يا سيد الناس

وحبك جزء من روحي

يا مالي القلب بالاحساس

وقربك ده دوا جروحي

أنا ملكك وملك ايديك

وعايشة العمر علشانك

وكل حياتي صبحت ليك

وأصبح قلبي ده مكانك

ولو في مستحيل عندي

هيبقي يا عمري نسيانك

يا واخد م القمر ضيه

ونور الشمس لمعانه

أنا قلبي بيحلم يوم

تسكن جوه أحضانه

كلام اتقال وباقي أكتر

يا ريت قلمي ف امكانه

يدوب ف الحبر ويعبر

ويكتب عمره وزمانه

يا ساكن ف الكيان اسمك

ونبض القلب تنهيدك

أنا بحلم أكون منك

ويجري دمي ف وريدك ♡