خاص بمسابقة العامية
……………………..
صندوق ذكرياتى
هو صندوق حياتى
كراكيبى شايلها فيه
بافراحى وآهاتى
مكتبتى كانت قديمه
لكن فيها حكاياتى
وف ليله بمد إيدى
ورقه من بين حاجاتى
وقعت من بين كتاب
قصه عمرى وحياتى
بفتحها عشان اشوفها
واشوف كانت لمين
وبعد سطور قرايه
نزل الدمع بأنين
لقيت حبيبتى كاتبه
بعد الشوق والحنين
بهديك سلام وحب
مليان عطر وحنين
انسانى خلاص مسافره
..وانسى حب السنين
الحزن بان عليا
والدمع ع الخدين
وفضلت بقول لنفسى
مشتاق لنن العين
مشتاقلك يا حبيبى
ويا شوق واخدنى فين
قصيده________ من ذكرياتى________
محمد شوشان من مصر
