خدنا ايه ياحب منك
غير الدمع فى العيون
هخد قلبى وابعد عنك
حتى لو ده قرار مجنون
***************
زراعتك وردة فى بستانى
ورويتك من حنان قلبى
قتلوك وقالوا انا الجانى
لقيتنى فى دمعى بخبى
وقفلت عليا الف باب
علشان مايظهرش العذاب
ولا تشوفنى كده الاحباب
عايش فى حضن الشجون
***************
خدنا ايه ياحب منك
غير الدمع فى العيون
***************
بكره الزمان والله هيتكالم
ويقول مين كان الغلطان
فى عز الشوق وانا بتالم
ياما قلبى قال له عطشان
وكاان كلامى نغم جميل
بيمتع قلبه وفكره العليل
مالقتش فى حبه اى دليل
قولت ابعد وهرب م الكون
***************
خدنا ايه ياحب منك
غير الدمع فى العيون
****************
ياقلبى تعاله روح معايه
فى بلاد ماحدش يعرفنا
يمكن هناك ننسه الحكايه
ويعد الحزن نلاقى فرحنا
خلاص تعبت من الاوجاع
وزمن كسر ليا الشراع
كفايه اللى من عمرى ضاع
فى دنيا مالهاش قلب حنون
****************
خدنا ايه ياحب منك
غير الدمع فى العيون
