جمهورية مصر العربية[
قصيدتى العامية
(خدى أنفاس)
خدى أنفاس تدوب ف الروح
مادام أنفاسى لزماكى
أخاف منى لتطلع روح
وألا أشهد محياكى
أنا العاشق أنا المجروح
أنا الساعى لدنياكى
أنا قادر ومش قادر
على بعدك أنا أهواكى
أنا منك كمان إنك
هوايا راحته ف هناكى
هوايا ليكى مادد راحته
رايد راحتك بيهواكى
بتمنى لو لمس راحتك
بدبلة صبحتى ملاكى
يامالكة كل شئ فى
روحى وقلبى ياملاكى
يا أجمل من بنات حوا
يارحمة لقلبى ياملاكى
أنا حاسس بأنفاسك
نسايمك واصلة شباكى
ياريت لو مرة وتحنى
تعطرى جوى بشذاكى
ساعتها هأسامح الدنيا
وأنسى المر وأشواكى
ساعتها هأصالح العالم
وماعمرى أكون شاكى
