ط
مسابقة الشعر العامى

خد قرار..مسابقة الشعر العامى بقلم / أيمن يوسف احمد يوسف

النوع / الشعر العامى
————————
خـــــــــــــــــد قـــــــــــــــرار
……………………..…….
2015/02/23
ياللى عديت بر خوفك
ليه تدوس على شوك ونار
دا الزمن لو يحكى عنك
مش هايحكى غير مرار
سيب شجاعتك تمحى ذلك
تمحى غدر وتمحى عار
قصة تنشرها البداية
والنهاية الانتصار
قوم يامحبوس فك قيدك
فرصة جاتلك خد قرار
الشرف نبرة فى صوتك
والسكات ع الظلم عار
ستة اكتوبر ميلادك
وف يناير كان منار
مهما قالوا الصمت حقك
اوعى تاخده فى يوم شعار
دا السكات ع الظلم ظلم
والحياة راح تبقى زار
اوعى تسكت ع اللى خانك
واللى باع قوتك هزار
واللى خان أرضك وعرضك
جاى يقدم اعتذار
كل ظلم وله نهاية
والنهاية عليه دمار
فرعون ومحبوس جوه قفصه
وبايديه نزل الستار
زمن الطواغيت انتهى
والظلم آخره الاندثار
والحق نوره فى السما
عمره مايعرف الانكسار
مات البطل قدام عينينا
ودمه غطاه الغبار
ازاى نكفن غربته
وعشان مانعلى قام وثار
شهيدنا حى ودا التمن
والليل مسيره للنهار
قادر زمانا ينصلح
يمحى مع الليل الدمار
والشمس تشرق من جديد
ويحل من تانى العمار
……………………..…………….
المشترك / أيمن يوسف احمد يوسف
بورسعيد – مساكن السيدة نفيسة
عمارة 107 – شقة 19 حى الضواخى

 

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى